(File Photo)

- நமது செய்தியாளர் -

ஸ்ரீலங்கா முஸ்லிம் காங்கிரஸ் இலக்கு என்பது ஸ்ரீலங்கா முஸ்லிம் காங்கிரஸ் தோற்றம் பெற்ற போது என்ன இலக்கு இருந்ததோ அதே இலக்கு புதிய வடிவத்தில் நிர்ணயிக்க நாங்கள் கடமைப்பட்டிருக்கின்றோம். முஸ்லிம்களுக்குரிய பாதுகாப்பாக இருப்பதும் இருக்கப்பபோவதும் முஸ்லிம்களின் ஒற்றுமையும் ஏனைய சமூகங்கள் பற்றிய புரிந்துணர்வும் சகவாழ்வக்கான எங்களது பிரச்சாரமும்தான் என உள்நாட்டு வர்த்தக கூட்டுறவுத்துறை பிரதியமைச்சரும் ஸ்ரீலங்கா முஸ்லிம் காங்கிரசின் தவிசாளருமான பசீர் சேகுதாவூத் தெரிவித்தார்.

காத்தான்குடி ஹிஸ்புல்லா மண்டபத்தில் கடந்த சனிக்கிழமையன்று நடைபெற்ற கருத்தரங்கில் உரையாற்றும் போதே பிரதியமைச்சர் பசீர் சேகுதாவூத் மேற்கண்டவாறு கூறினார்.

இந்த கருத்தரங்கில் தொடர்ந்துரையாற்றிய பிரதியமைச்சர் பசீர் ஷேகுதாவூத் இன்று வடக்கிலிருந்து பெரும் ஓலங்கள் கேட்கத்தொடங்குகின்றன.

இந்து ஆலயங்களுக்குள் பௌத்த அடையாளங்கள் திணிக்கப்படுகின்றன என்று தமிழ் தேசிய தலைமைகளும் ஏனைய சிறுபான்மை மதத்தலைவர்களும் குரல் கொடுப்பதை கேட்கின்றோம்.

நிலம் பறிக்கப்படுவதாக மீண்டும் ஓங்கி குரல் ஒலிக்கப்படுவதை வடக்கின் தமிழ் பகுதிகளிலும் பார்க்கின்றோம்.

சில சிலைகள் உடைக்கப்படுவதாகவும் சிறுபான்மை மத இன தலைமைகளின் தலைகள் சிலையாக இருந்த போதும் உடைக்கப்படுகின்ற ஒரு அரசியல் அரங்கேறுவதாக சிறுபான்மைகளின் எதிர்ப்புக்குரல் ஒலிக்கப்படுவதையும் பார்க்கின்றோம்.

அதே நேரம் அநுராதபுரத்தில் முஸ்லிம் ஒருவரின் அடக்கஸ்த்தளம் அது முஸ்லிம்களுடைய வரலாற்று அடையாளம் அப்படியே அழித்து துடைத்து எறியப்படுகின்ற பழய வரலாற்றின் புதிய தோற்றத்தினையும் காண்கின்றோம்.

தம்புள்ளையில் உள்ள ஒரு பள்ளிவாயலை 1960ம் ஆண்டுகளிலிருந்திருவரும் அப்பள்ளிவாயலை உடைப்பதற்காக கும்பல்கள் புறப்படுகின்ற நிகழ்வை காண்கின்றோம்.

அச்சுறுத்தி கடிதங்கள் அனுப்பி காலங்களிட்டு பள்ளிவாயல்களை உடைக்க வேண்டுமென்று சொல்லுகின்ற ஒரு சிறிய பௌத்த பேரினவாத கூச்சலை பார்க்கின்றோம்.

அதன் பின் குருநாகலிலே ஒரு முஸ்லிம் அடையாளம் பள்ளிவாயலை அச்சுறுத்துகின்றனர். கடந்த வெள்ளிக்கிழமையன்று தெஹிவளையிலுள்ள ஒரு அறபு மதரசாவை எதிர்த்து பஸ் வண்டிகளிலே கொண்டு வந்து கொட்டப்படுகின்ற பேரினவாதத்தின் கைக்கூலிகள் அப்பள்ளிவாயலை எதிர்த்து கூச்சலிடுவதும் கல்லெறிவதும் அதற்கு காலக்கெடு விதிப்பதுமான சட்டத்தை மாத்திரமல்ல சண்டித்தனத்தையும் கையிலே எடுக்கின்ற அந்த நிகழ்வகளை பார்க்கின்றோம்.

இவ்வாறு ஒவ்வொன்றாக நாங்கள் பார்த்து வரும் போது இந்த அண்மைய நிகழ்வுகள் தமிழர் பகுதிகளில் நிலப்பறிப்பும் மத அடையாளத்தின் அத்து மீறல்களும் ஏற்படுகின்ற அதே நேரம் முஸ்லிம் பகுதிகளில் முஸ்லிம்களுடைய மத அடையாளங்களை விட்டு விரட்டுகின்ற முஸ்லிம்களின் வணக்கஸ்த்தலங்களை நீக்க கோருகின்ற சண்டித்தன நிகழ்வுகளையும் பார்க்கின்றோம்.

எனவே இனப்பிரச்சினையின் தோற்றுவாயாக என்னென்ன காரண காரியங்கள் அன்றிருந்தனவோ அதே காரண காரியங்கள் இன்றும் முடிந்து விட்டது என்றும் யுத்தத்தை வென்று விட்டோம் என்று சொல்லும் சூழ்நிலையிலும் அதே வகையில் நிகழ்வுகள் நடந்தேறுகின்றன.

ஆகவே எங்களுடைய இலக்கு என்பது ஸ்ரீலங்கா முஸ்லிம் காங்கிரஸ் தோற்றம் பெற்ற போது என்ன இலக்கு இருந்ததோ அதே இலக்கு புதிய வடிவத்தில் நிர்ணயிக்க நாங்கள் கடமைப்பட்டிருக்கின்றோம்.

முஸ்லிம்களுக்குரிய பாதுகாப்பாக இருப்பதும் இருக்கப்பபோவதும் முஸ்லிம்களின் ஒற்றுமையும் ஏனைய சமூகங்கள் பற்றிய புரிந்துணர்வும் சகவாழ்வக்கான எங்களது பிரச்சாரமும்தான்.

இவ்வாறு நாம் எதிர் கொள்ளும் பிரச்சினைகளை முஸ்லிமகள் ஒற்றுமைப்படுவதன் மூலம் நாங்கள் அரசியலே இழந்திருக்கின்ற நாங்கள் பிரிந்து விட்டோம் என்று சொல்லி முஸ்லிம்களுக்கிருந்த அரசியல் அந்தஸ்த்தும் முஸ்லிம்களுக்கிருந்த அந்த பேரம் பேசும் சக்தியும் முஸ்லிம்களுக்கிருந்த திடமான அரசியல் உணர்வுகளும் அற்றுப்போய் கூறு கூறாக பிரிந்து நாறிப்போய் முஸ்லிம் சமுதாயம் கிடக்கின்றது என்று பேரினவாதம் நம்புகின்ற அந்த நம்பிக்கையில் மண்ணை அள்ளிப்போடாமல் முஸ்லிம் சமூகம் மீண்டும் ஒன்றினைந்து விட்டது ஒரு கொடியின் கீழ் அணி திரண்டு அரசியல் பலத்தை காட்டத்தயாராகி விட்டார்கள் என்ற செய்தியை நாம் பள்ளிவாயல்கள் மாத்திரமல்ல நமது பொருளாதாரத்தை மாத்திரமல்ல நமது கலாசாரத்தை பண்பாட்டு விழுமியங்களை எங்களுடைய பெருமைகளை எங்களது வடிவுகளை எங்களின் இதயத்திலே இருக்கின்ற எண்ணங்களை அபிலாசைகளை அத்தனையையும் பறி கொடுத்தவர்களாக மாறுவது தவிர்க்க முடியாமல் போகும் என்ற ஆபத்தினை நான் இந்த இடத்திலே முஸ்லிம் காங்கிரஸ் ஆரம்பித்து மூன்றாவது தசாப்பதம் நெருங்குகின்ற இந்த காலத்தில் இதை அபாய அறிவிப்பாக செய்ய விரும்பகின்றேன்.

இந்த முஸ்லிம் சமுதாயத்தினை ஒற்றமைப்படுத்துகின்ற அந்தப்பணியிலே இருக்கின்ற ஒரே ஸ்த்தாபனமென்பதும் ஸ்ரீலங்கா முஸ்லிம் காங்கிரஸ்தான்.

அதே போன்று இலங்கை முஸ்லிம்கள் முற்போக்கு சிங்கள சக்திகளோடு கைகோர்க்க வேண்டும். தமிழர்களுக்குள் இருக்கின்ற முற்போக்கு சக்திகளோடும். ஏனைய சிறுபான்மை மக்களுக்கு ஏற்படுகின்ற அநீதிகளை பிரஞ்சையோடு பார்க்கின்ற சக்திகளோடும் அரசாங்கத்திற்குள் இருக்கின்ற முஸ்லிம்களுக்கு அநீதி நடக்கின்றது என்று பகிரங்கமாக சொல்லவும் நேரடியாக அரசாங்கத்துடன் பேசி தீர்வு தரக்கூடியதுமாக இரக்கின்ற பாராளுமன்ற உறுப்பினர்கள் அமைச்சர்களுடனும் நாம் கை கோர்க்கவேண்டும்.

ஜனாதிபதிக்கு தெளிவாக சொல்ல வேண்டும். மூன்று இனங்களையும் சேர்ந்த நவீனத்துவவாதிகள் இனவாதிகளல்ல மதவாதிகளல்ல திவரவாதிகளல்ல சரியான உண்மையான ஜனாநாயக வாதிகள் புதிய ஜனநாயக வாதிகள் இலக்கிய வாதிகள் எல்லா இனங்களும் சமத்துவமானவை என்று பார்க்கின்ற உலகப்பார்வை கொன்டவர்கள் எல்லா மனுக்கலமே என்று பார்க்கின்ற அந்த தேடலுள்ளவர்கள் மூன்று இனங்களிலிருந்தும் தெரிவு செய்யப்பட்டு எங்களுடைய ஜனாதிபதியவர்கள் இவ்வாறான பிரச்சினைகளின் தோற்றுவாய் என்ன இந்தப்பிரச்சினை ஏன் இடம் பெறுகின்றது இந்த நாட்டுக்கெதிரான சதி வேலையாக இது இருக்கின்றதா அல்லது தமிழர்களுக்கெதிரான முஸ்லிம்களுக்கெதரான சதித்திட்டமாக இது இருக்கின்றதா இந்தப்பிரச்சினைகளை நிறுத்துவதற்கு என்ன வழி செய்ய முடியும் என்று ஒரு குழுவை நியமித்து அதன் அறிக்கையை பெற்று இந்தப்பிரச்சினையின் வேர் எங்கே ஊடுருவி இருக்கின்றது என்று பார்த்து அந்த வேரை நறுக்குகின்ற பணியை ஜனாதிபதி மஹிந்த ராஜபக்ச செய்ய வேண்டும்.

ஜனாதிபதிக்கிருக்கின்ற ஆதரவு தளமும் அவருக்குள்ள வல்லமையும் அவருடைய வார்த்தைக்கு சிங்கள மக்கள் மத்தியிலிருக்கும் வலிமையும் சிறுபான்மை மக்களை காப்பாற்றுவதற்கும் சிறுபான்மை மக்களை சரியாக சமத்துவமாக அவர்களையும் பார்த்து இந்த நாட்டின் பிரஜைகள் இவர்களும் என்று சரியான உனர்வை ஊட்டதக்க வகையில் அவர் எடுக்கும் நடவடிக்கைதான் முழு இலங்கையையும் பாதுகாக்கும் என நான் திடமாக நம்பகின்றேன்.அதற்கு சரியான வழிகள் காணப்படல் வேண்டும்.

ஸ்ரீலங்கா முஸ்லிம் காங்கிரஸ் என்பது இலங்கை சிறுபான்மை முஸ்லிம்களின் குரல். பல தசாப்த காலமாக குரலின்றி கிடந்த மக்களின் குரல். நசுக்கப்படுகின்ற ஏனைய சிறுபான்மை மக்களின் குரலாகவும் இது வளர்ந்து வந்திருக்கின்றது. பாதிக்கப்படுகின்ற சிங்கள மக்களாயினும் அவர்களுக்காகவும் குரல் கொடுத்த வரலாறுகள் இருக்கின்றன.

மீண்டும் ஸ்ரீலங்கா முஸ்லிம் காங்கிரஸ் என்பது முஸ்லிம்களின் குரல் என்பதை நிரூபிப்பதே இன்றைய முக்கியமான அவசியமான தேவை என்று நான் கருதுகின்றேன்.

எதிர்க்கட்சியில் இருந்தால் மாத்திரம்தான் ஆளும் கட்சியை எதிர்த்து பேசுவது அல்லது ஆளும் கட்சி விடும் பிழைகளை எதிர்;த்து பேசுவதாக இருந்தால் பேசுகின்றவர்கள் எதிர்க்கட்சியில்தான் இருக்க வேண்டும் என்ற ஒரு பார்வையும் அரசியல் யதார்த்தமும் அப்படி ஒரு புறம்பான நியாமும் கடந்த காலங்களிலே இலங்கையில் இருந்திருக்கின்றது.

ஸ்ரீலங்கா முஸ்லிம் காங்கிரசின் வருகையோடு அது முஸ்லிம்களுக்கெதிராக இழைக்கப்படும் அநீதிகளை சரியான சட்டத்தை கொண்டு அரசாங்கம் அதை நிறுத்தவில்லை என்று முஸ்லிம் காங்கிரஸ் உனரும் போது அந்த அரசாங்கத்தின் நெஞ்சிலும் கையை நீட்டுகின்ற சுட்டிக்காட்டுகின்ற அருகதையோடும் தகுதியோடும் ஸ்ரீலங்கா முஸ்லிம் காங்கிரஸ் வளர்ந்து வந்திரக்கின்றது.

இதனைத்தான் முன்பு ஸ்ரீலங்கா முஸ்லிம் காங்கிரஸ் எதிக்கட்சியில் இருந்த போது அதை செய்தால் ஆளும் கட்சியில் இருப்பவர்கள் முஸ்லிம் காங்கிரஸ் பிழை விடுகின்றது என்றும் அரசாங்கத்தின் பக்கம் ஊதுகுழலாக இருந்து கொண்டு பேசும் போக்கையும் பார்த்தோம்.

இன்று முஸ்லிம் காங்கிரஸ் அரசாங்கத்தில் இருந்து கொண்டே முஸ்லிம்களுக்கெதிராக இழைக்கப்படும் அநீதிகளுக்கெதிராக சுத்தமான ஆக்ரோசமான உறுதியான எதிர்ப்புக்குரலாக அது மேலெழுந்து வரும் போது முஸ்லிம் காங்கிரசுக்கெதிரானவர்களாக அடையாளம் காட்டிக்கொண்டு அரசாங்கத்திலிருக்கும் முஸ்லிம் அரசியல் வாதிகளும் முஸ்லிம் காங்கிரசை பின்பற்றி எதிர்க்குரல்களை கொடுக்க வேண்டிய அவசியத்தக்கு தள்ளப்படும் புதிய ஒரு அரசியல் போக்கையும் நிலைமையையும் நாங்கள் இன்று பார்க்கின்றோம். இது பாரிய மாற்றம் என அவர் இங்கு மேலும் தெரிவித்தார்.

- எம்.ஏ.சீ.எம்.ஜெலீஸ் -

கிழக்கு மாகாண கல்வி திணைக்களத்தினால் நடாத்தபபட்ட தமிழ், ஆங்கில மொழி மூலமான மாகாண மட்ட கணித வினாடி வினா போட்டியின் இறுதிப் போட்டி நிகழ்வுகள் நேற்று 28.05.2012 மட்டக்களப்பு மாவட்டத்தின் ஒல்லிக்குளம் அல்ஹம்ரா வித்தியாலயத்தில் நடைபெற்றது.

இதன் போது தரம் ஆராம் பிரிவின் தமிழ் விரிவில் முதலாம் இடத்தினைப் பெற்று வெற்றி பெற்ற மட்டக்களப்பு வின்சன் மகளிர் உயர்தரப் பாடசாலை மாணவி பீ.தேமருதா, மற்றும் அதே பிரிவின் ஆங்கில மொழி பிரிவில் முதலாம் இடத்தினை பெற்று வெற்றி பெற்ற திருகோணமலை சென்.மேரிஸ் கல்லூரியின் மாணவி பீ.லேசனா ஆகியோருக்கு கிழக்கு மாகாண கல்வித்திணைக்கள அபிவிருத்தி பிரிவின் பணிப்பாளர் எஸ். மனோகரன் அவர்கள் பதக்கம் அனிவித்து சான்றிதல் வழங்கிவைத்தார்.

காத்தான்குடி கோட்டத்திலிருந்து இரண்டு பாடசாலைகள் மூன்றாம் இடங்களை பெற்றுக் கொண்டது.
தமிழ் பிரிவில் தரம் 9ல் போட்டியிட்ட அல்ஹிறா மகா வித்தியாலய மாணவன் ஏம்.ஏ.ரோசானி அஹமட் மூன்றாம் இடத்தினையும், தரம் 11ல் போட்டியிட்ட காத்தான்குடி மத்திய கல்லூரி மாணவன் எம்.எஸ்.எம்.தன்சீம் மூன்றாம் இடத்தினையும் பெற்றுக் கொண்டனர்.
Click to view slideshow.

- நமது செய்தியாளர் -

மர்ஹும் அப்துல் ஜவாத் ஆலிம் அவர்களின் மனைவியும், அப்துல் ரவூப் மிஸ்பாஹியின் தாயாருமான சஹ்ரா உம்மா அவர்கள் தனது 93ஆவது வயதில் 28.05.2012 திங்கட்கிழமை மாலை 7:00 மணியளவில் வபாத்தனார். இன்னா லில்லாஹி வஇன்னா இலைஹி ராஜிஊன்.

இவரது ஜனாஸா தொழுகை நாளை காலை 9:00 மணியளவில் நடத்தப்பட்டு ஜாமியுல் ழாபிரீன் மையவாடியில் நல்லடக்கம் இடம்பெறவுள்ளது.

இவரது மறைவால் துயருறும் குடும்பத்தினர் மற்றும் உறவினர்களுக்கு ஆறுதல் தெரிவிப்பதிலும், மறுமை வாழ்வுக்காக பிரார்திப்பதிலும் எமது இணையச் சமூகமும் இணைந்து கொள்கிறது.

Photo: Bilaal Nif @ fb

இந்நிகழ்வுக்கு நவமணி பத்திரிகையின் பிரதம ஆசிரியரும், முஸ்லிம் மீடியா போரம், சிறிலங்கா முஸ்லிம் கவுன்சில் ஆகியவற்றின் தலைவருமான என்.எம்.அமீன் தலைமை தாங்கவுள்ளார்.

பிரதம அதீதிகளாக சிறிலங்கா முஸ்லிம் காங்கிரஸ் தலைவரும், அமைச்சருமான ரவூப் ஹக்கீமும், வணிகத் துறை அமைச்சரும், அகில இலங்கை மக்கள் காங்கிரஸ் தலைவருமான றிசாத் பதியுதீனும் கலந்துகொள்ளவுள்ளனர்.

சிறப்பு அதீதிகளாக எம்.எல்.ஏ.எம். ஹிஸ்புல்லா – சிறுவர் அபிவிருத்தி மகளிர் விவகார பிரதியமைச்சர், மாவை சேனாதிராஜா எம்.பி. – செயலாளர் – இலங்கை தமிழரசு கட்சி, கே.ஏ. பாயிஸ் புத்தளம் நகர சபைத் தலைவரும் கலந்துகொள்ளவுள்ளனர்.

கௌரவ அதீதிகளாக மௌலவி எம். முபாரக் – அதிபர் யாழ் ஒஸ்மானியா கல்லூரி, , எம்.எஸ். ஜலீல் – பணிப்பாளர் – யாழ் கல்வி அலுவலகம், சட்டத்தரணி எம்.எம். ரமீஸ் – பிரதிமேயர் – யாழ் மநகர சபை, மௌலவி எம்.பீ.எம். சுபியான் – யாழ் மாநகர சபை உறுப்பினர், டாக்டர் ஹிஜாஸ்  – மஹரகம தேசிய வைத்தியசாலை, டாக்டர் ஏ.சீ.ஜனொஸ் சதாத் – அநுராதபுரம் தேசிய வைத்தியசாலை, எம்.எம். இமாம் – முன்னாள் பாராளுமன்ற உறுப்பினர் ஆகியோரும் கலந்துகொள்ளவுள்ளனர்.

விருதுபெறும் மூத்த இலக்கிய படைப்பாளிகள்

1. கவிமணி மௌலவி புஹாரி – காத்தான்குடி,

2. கலாபூஷணம் எஸ்.ஐ. நாஹுர்கனி – மாபோல,

3. ஏ.எல்.எம். சத்தார் – பாணந்துறை,

4. ரீ.எல். ஜவ்பர்கான் – காத்தான்குடி,

5. கவிஞர் ஜன்ஸி கபூர் – அநுராதபுரம்,

6. ஏ.எஸ். இப்ராஹீம் கலைமேகம் – மூதூர்,

7. கவிமணி நீலா பாலன் – வெலிமடை,

8. ஏ.எம்.எம். அலி – கிண்ணியா,

9. நவாலியூர்க் கவிராயர் – யாழ்ப்பாணம்,

10. கலாபூஷனம் அப்துல் லத்தீப் – புத்தளம்,

சிறப்பு விருதுபெறும் மூத்த படைப்பாளிகள்

1. கலாபூஷணம் கவிஞர் யாழ் அஸீம்

2. கலைவாதி கலீல்

3. முல்லை முஸ்ரிபா

கிண்ணியா அமீர் அலி நிகழ்வுகளை தொகுத்தளிப்பதுடன், கவிஞர் யாழ் அஸீம் கவி வாழ்த்துரைப்பார்.

இந்நூல் வெளியீட்டு விழாவுக்கு அழைப்பிதழ் கிடைக்காதவர்களும் கலந்துகொள்ள முடியும் தொடர்புகளுக்கு 0717268466, 0112671596.

-இர்ஷாத் றஹ்மத்துல்லா–

தெஹிவளை தாருர் ரஹ்மான் பள்ளிவாசலில் தொழுகையினை நிறுத்த வேண்டும் என பெரும்பான்மை மதகுரு்க்களால் விடுக்கப்பட்ட அச்சுறுத்தல் தொடர்பில் இன்று அங்கு சென்ற அமைச்சர்களான ஏ.எச்.எம்.பௌசி, றிசாத் பதியுதீன் மற்றும் முஸ்லிம் சமய திணைக்களப் பணிப்பாளர் வை.எல்.எம்.நவவி ஆகியோர் கலந்துரையாடல்களை நடத்தியதுடன், ளுஹர் தொழுகையினையும் அங்கு  நிறைவேற்றியுள்ளனர்.

தெஹிவளையில் இயங்கி வந்ந பிரஸ்தாப மத்ரஸா 1995 ஆம் ஆண்டளவில் பதிவு செய்யப்பட்டு்ள்ளதுடன், தொழுகையினை நடத்துவதற்கான அனுமதியும் பெற்றுக் கொள்ளப்பட்டிருந்தாக  அங்கு சென்ற அமைச்சர் றிசாத் பதியுதீன் கூறினார்.

தாமும், அமைச்சர் பௌசி உட்பட அதிகாரிகள் தெஹிவளை தாருர் ரஹ்மான் மத்ரஸாவுக்கு விஜயம் செய்து பள்ளி நிர்வாகத்துடன் கலந்துரையாடல்களை நடத்தினோம். பின்னர் சர்ச்சைக்குரிய பெரும்பான்மை மதத் தலைவர் தலைமையில் வந்த குழுவினருடன் எமது தரப்பு நியாயங்களையும், இதனது தெளிவினையும் எடுததுரைத்தோம். அதனை அந்த மதகுரு தலைமையிலானவர்கள் ஏற்றுக்  கொண்டு அங்கிருந்து அகன்று சென்றதுடன், மதக் கடமைகளை நிறைவேற்ற எந்த தடையினையும் தாங்கள் ஏற்படுத்தப் போவதில்லையென்றும் கூறி்னர்.

அதே வேளை தொடர்ந்து பள்ளிவாசல்கள் இலக்கு வைக்கப்படுவது குறித்து ஜனாதிபதியுடன் கலந்து பேசி சில நடவடிக்கைகள் எடுக்கப்படவுள்ளதாகவும் அமைச்சர் றிசாத் பதீயுதீன் கூறினார்.

-நமது செய்தியாளர்-

ஸ்ரீலங்கா முஸ்லிம் காங்கிரஸ் ஆளும் கட்சியிலும் ஒரு எதிர்க்கட்சியாக இருப்பதன் அடையாளமே காத்தான்குடியில் முஸ்லிம் காங்கிரசின் கிளை அலுவலகத்திற்கு தீ வைக்கப்பட்ட சம்பவமாகும் என ஸ்ரீ லங்கா முஸ்லிம் காங்கிரசின் தலைவரும் நீதியமைச்சருமான றஊப் ஹக்கீம் தெரிவித்தார்.

காத்தான்குடியில் சனிக்கிழமையன்று (26.5.2012) மாலை ஹிஸ்புல்லா மண்டபத்தில்  நடை பெற்ற கூட்டத்தில் உரையாற்றும் போதே அமைச்சர் றஊப் ஹக்கீம் மேற்கண்டவாறு கூறினார்.

இங்கு தொடர்ந்துரையாற்றிய அமைச்சர் ஹக்கீம் தமிழ் தேசியக் கூட்டமைப்பின் மாநாடு நடை பெறவிருந்த மட்டக்களப்பு தேவநாயகம் மண்டபத்திற்கும் தீ வைக்கப்பட்ட செய்தி பரபரப்பாக பேசப்பட்டது. அதே போன்று காத்தான்குடியில் எமது கட்சியின் கிளை அலுவலகத்திற்கு தீ வைக்கப்பட்ட சிறய சம்பவமும் பர பரப்பாக பேசப்படுகின்றது.

இது நாங்கள் ஆளும் கட்சியிலும் இன்னும்  எதிர்க்கட்சியாகத்தான்  இருக்கின்றோம் என்பதைத்தான் இந்த தீ வைப்புச்சம்பவம் எடுத்துக்காட்டுகின்றது.

எதிர்க்கட்சி நடாத்தவிருந்த மண்டபத்தையும் தீ வைத்து எரிக்கின்றார்கள், ஆளும் கட்சியில் இருக்கின்ற ஒரு கட்சியின் காரியாலயத்தையும் தீ வைத்து எரிக்கின்றார்கள் என்றால் இதன் அர்த்தம் வேறெதுவுமில்லை தமிழ் தேசியக் கூட்டமைப்பும் ஸ்ரீலங்கா முஸ்லிம் காங்கிரசும் முக்கியமானவை என்பதன் வெளிப்பாடுதான் இந்தச்சம்பங்களாகும். இது அச்சத்தின் வெளிப்பாடாகும்.

இந்த விஸயத்தை ஒரு தனிநபர் செய்திருக்கலாம் இன்னுமொரு விஸயத்தை தனி நபரோ இயக்கங்களோ செய்திருக்கலாம்.

இதற்காக நாங்கள் பொலிசாரை விசாரணை செய்யுங்கள் என்று கஸ்டப்படுத்த வேண்டிய அவசியம் தேவையில்லை. எந்த புலன் விசாரணையும் தேவையில்லை.

இந்த தீ வைப்புச்சம்பவம் குறித்து ஸ்ரீலங்கா முஸ்லிம் காங்கிரஸ் அலட்டிக்கொள்ளவே இல்லை.

நிறைய சேதங்களை சந்தித்தவர்கள் நாங்கள் கடந்த கிழக்கு மாகாண சபை தேர்தலில் இறுதி நேரத்திலே கட்சியின் உள்ளே இருந்தவர்கள் காலை வாரவில்லையென்றிருந்தால் அதன் முதலாவது முயற்சியிலேயே முஸ்லிம் காங்கிரஸ் வெற்றி கண்டிருக்கும். நான் ஆட்களைப்பற்றி சொல்லத் தேவையில்லையென நினைக்கின்றேன்..

முஸ்லிம் காங்கிரசின் தலைவர் மற்றும் அதன் செயலாளர் தவிசாளர் ஆகியோர் தன்னுடைய பாராளுன்ற ஆசனங்களை இழந்து விட்டு அதில் களமிறங்குவதற்கான எந்த தேவையும் ஏற்பட்டிருக்காது. இறுதி நேரத்தில் நாங்கள் காலை வாரப்பட்டோம்.

எதிரிகளை வெற்றியடைவதற்கு முன்னர் எமது அணியை சரி செய்து கொள்ள வேண்டும். இலக்குகளை பற்றிய தெளிவு எமது அணியிலுள்ள எல்லோருக்கும் தெரிய வேண்டும்.

ஸ்ரீலங்கா முஸ்லிம் காங்கிரஸ் எதிர்வரும் கிழக்கு மாகாண சபை தேர்தலில் தனித்துப்போட்டியிடுவதன்தென்பது என்னைப்பொறுத்தவரை நல்லதொரு வழி.

தனித்துப்போட்டியிடுவது பிழையான வழியல்ல. இந்த சந்தர்ப்பத்தில் முஸ்லிம் காங்கிரஸ் தனித்து போட்டியிடுவதென்பது மடத்தனமான வழி என சிலர் சொல்லுவார்கள்.

தனித்து போட்டியிடுவதன் மூலம் முஸ்லிம்களின் பலத்தை நிரூபிக்க முடியுமெனும் தைரியம் எங்களுக்கு இருந்தால் நிச்சயமாக தனித்து போட்டியிடலாம்

அதிகார பகிர்வு ஓரளவுக்கு அமுல் படுத்தக்கூடிய அமைச்சு கல்வி அமைச்சு காணி அமைச்சு இவை இரண்டும் கிழக்கு மாகாண சபையில் பெரும்பான்மை சமூகத்திற்குத்தான் கொடுக்கப்பட்டுள்ளது.

அடுத்து வரும் கிழக்கு மாகாண சபை எவ்வகையான அதிகாரங்களை அடையப்போகின்றது என்பதற்கு நாம் அகராதி புறட்டத் தேவையில்லையென நான் நினைக்கின்றேன். இதைப்பற்றி முஸ்லிம் காங்கிரஸ் பேசுவதற்கு தயங்கவில்லை. மற்ற ஆசாமிகள் யாரும் வாய் திறக்கமாட்டார்கள்.

ஸ்ரீலங்கா முஸ்லிம் காங்கிரஸ் மக்கள் இயக்கம் இதை மக்களிடம் கொண்டு போக வேண்டும். என்னுடைய பிரச்சினைகளை மக்கள் முன்னிலையில்தான் கதைக்க வேண்டும். எங்களுக்கு நாங்கள் கடிவாளங்களை போட்டுக்கொள்வதற்கு மக்களிடம்தான் வரவேண்டும்.

ஸ்ரீலங்கா முஸ்லிம் காங்கிரசின் முதல் மாகாண சபையின் அனுபமே அபூர்வமான ஒரு ஆரம்பமாகும். மத்திய அரசிலே அதிகாரத்தை பெறுவதற்கு முன்பு மாகாண அரசிலே அதிகாரத்தை பெற்றோம். அதிகாரமென்றால் எதிர்க்கட்சி என்ற ஆசனங்களில் அமர்ந்தோம். ஆனால் முஸ்லிம்களின் ஆளும் கட்சி நாங்கள் என்பதற்கு எந்த மாற்றுக்கருத்துக்கும் இடமில்லாமல் நிரூபித்தோம்.

சரணாகதி அடையும் அரசியல் எங்களிடமில்லை என்பதால்தான் நாங்கள் இன்று அரசாங்கத்திற்குள்ளேயே எதிர்க்கட்சியாக பார்க்கப்படுகின்றோம்.

முஸ்லிம் காங்கிரஸ் பேசியதால்தான் அரசினுள் இருக்கின்ற மற்ற கட்சிகளும் அரசாங்கத்திற்கு சவால் விட்டு பேசுகின்ற நிலவரம் ஏற்பட்டுள்ளதாக அரசாங்கத்தினுள் இருக்கும் முக்கிய அமைச்சர் ஒருவர் என்னிடம் கூறுகின்றார்.

ஹெல உறுமய, மற்றும் விமல் வீரன்ச போன்றோர் அரசாங்கத்தை எதிர்த்துப்பேசி அறிக்கை விடுகின்றனர்.

இதற்கு காரணமே நீங்கள் தான் என அரசாங்க அமைச்சர் என்னிடம் கூறுகின்றார்.

அரசாங்கத்திற்கும் ஸ்ரீலங்கா முஸ்லிம் காங்கிரசுக்கும் நம்பகத்தன்மையில் கொஞ்சம் குறைபாடுகள் உள்ளன. எங்களது பலமும் பலவீனமும் அதுதான்

ஸ்ரீலங்கா முஸ்லிம் காங்கிரஸ் நேர்மையாக நடந்து கொள்ள வேண்டும். தேவையில்லாத சதிகளில் நாங்கள் ஈடுபடமுடியாது. ஆனால் நாங்கள் நிறைய சதிகளுக்கு ஆளாகியிருக்கின்றோம்.

எப்போதெல்லாம் வெளிச்சதிகளினால் பாதிக்கப்பட்டோமோ அப்போ தெல்லாம் தைரியமாக சில முடிவுகளுக்கு வந்தோம். அவ்வாறான ஒரு சதி முஸ்லிம் காங்கிரசுக்கு நடக்குமாக இருந்தால் அதை எதிர் கொள்வதற்கான தைரியம் இருக்க வேண்டும்.

மக்களுக்கு மத்தியில் முஸ்லிம் காங்கிரசின் முக்கியத்துவம் அரசியல் வீச்சு அதிகாரம், இதனுடைய பேரம் பேசும் சக்தி இதை பாதுகாப்பதற்கான அந்த தயார் நிலையில் மக்களை நாங்கள் வைத்தக்கொள்ள வேண்டும்.

சரியான அத்திவாரத்தை போட்டுக்கொண்டுதான் நாங்கள் மாகாண சபை  களத்திலே இறங்க வேண்டும். இதற்கு காலம் கனியவில்லை  ஆனால் அதற்கு தயார் படுத்தவேண்டிய அவசியத்தில் நாங்கள் இருக்கின்றோம்.

நாங்கள் முதலமைச்சர் பதவி அமைச்சப்பதவிகளை பற்றி மாத்திரம்தான் சிந்திக்கின்றோம். ஆனால்  தமிழ் தேசியக் கூட்டமைப்பு இதைப்பற்றி கனவு கூட காணவில்லை.

ஸ்ரீலங்கா முஸ்லிம் காங்கிரஸ் தமிழ் தேசியக் கூட்டமைப்புடன் சேருமாக இருந்தால் முதலமைச்சர் பதவியை பற்றி சிந்திப்பார்கள்.

முஸ்லிம் காங்கிரஸ் சேராவிட்டால் அந்த வாய்ப்பு பற்றி  பெரிய எதிர் பார்ப்பு இருக்கமாட்டாது. ஆனாலும் தமிழ் மக்கள் தமிழ் தேசியக் கூட்டமைப்புடன்தான் நிச்சயமாக இருப்பார்கள்.

இந்த ஸ்ரீலங்கா முஸ்லிம் காங்கிரசை சிதைத்து சின்னா பின்னமாக்கி ஆளுக்கொரு கட்சி வைத்தக்கொண்டிருப்பவர்கள் இந்தக்கட்டத்தில் நிதானத்துடன் சிந்திக்க வேண்டிய கடமை இருக்கின்றது.

இந்த முயற்சியைத்தான் கடந்த கிழக்கு மாகாண சபை தேர்தல் அறிவிக்கப்பட்ட போதும் செய்தோம். அனைத்து அரசியல் தலைமைகளுடனும் பேசினோம்.

எந்த அடிப்படையிலும் சமூகம் பற்றிய சிந்தனையை விட்டு விட்டு எப்படி மேலிடத்தை திருப்பதிப்படுத்தவது என்ற பாங்கிலே விஸயத்தை பார்க்கின்ற அநியாயங்களைத்தான் நாங்கள் பார்க்கின்றோம் என அவர் இங்கு மேலும் தெரிவித்தார்.

இதில் பிரதியமைச்சர் பசீர் சேகுதாவூத் மற்றும் பாராளுமன்ற உறுப்பினர் எச்.எம்.எம்.ஹரீஸ் கிழக்கு மாகாண சபை உறுப்பினர் யு.எல்.எம்.என்.முபீன் ஆகியோரும் உரையாற்றினர்.

இவ்வாறு ஐக்கிய தேசியக் கட்சியின் பாராளுமன்ற உறுப்பினர் ஜயலத் ஜயவர்த்தன தெரிவித்துள்ளார்.

இது குறித்து அவரது ஊடகப் பிரிவு இன்று வெளியிட்டுள்ள அறிக்கையில்,

அண்மையில் தம்புள்ளை நகரில் இடம்பெற்ற சம்பவம் இதற்கு ஓர் உதாரணமாகும். இந்த வாரத்தில் தெஹிவளையில் முஸ்லிம் மக்களுக்கு அந்த நிலைமை ஏற்பட்டது. குறுகிய நோக்கு கொண்ட, இனவாத பிரிவினர் தெஹிவளை முஸ்லிம் மக்களுக்கு தமது மத வழிபாடுகளை மேற்கொள்ளும் உரிமையை இல்லாமல் செய்ய முயற்சிகள் மேற்கொள்ளப்பட்டன. இதனை நாம் கண்டிக்கின்றோம். இதற்கு ஒரு போதும் இடமளிக்க முடியாது.

பௌத்த, இந்து, இஸ்லாம் மற்றும் கிறிஸ்தவம் உள்ளிட்ட அனைத்து மக்களுக்கும் தமது மதத்தை பின்பற்ற உரிமைகள் உள்ளன. இதனை பறிக்கும் முயற்சிகளுக்கு இடமளிக்க முடியாது. அனைத்து இலங்கையர்களுக்கும் பயம், சந்தேகம், பீதியின்றி அனைத்து பகுதிகளிலும் வாழ்வதற்கான சூழல் உருவாக்கப்பட்ட வேண்டும்.

சட்டத்தை நடைமுறைப்படுத்தும் அதிகாரிகள் அனைவருக்கும் தத்தமது மதத்தை பின்பற்றுவதற்கான உரிமைகளை உறுதிப்படுத்த நடவடிக்கை மேற்கொள்ளப்பட வேண்டும். ஐக்கிய தேசியக் கட்சி என்றும் இலங்கையர்கள் அனைவரும் தத்தமது மதங்களை பின்பற்றுவதற்கான உரிமைகளை வென்றெடுப்பதற்கான முயற்சிகளில் ஈடுபடும் என்பதை தெரிவித்துக் கொள்கின்றேன்.(அத தெரன)

-வவுனியாவிலிருந்து இர்ஷாத் றஹ்மத்துல்லா-

அரசாங்கத்தின் இலவச கல்வியை பெற்றுக் கொண்ட நாம் நாட்டுப்பற்றுக் கொண்டவராக இருப்பதை உறுதிப்படுத்த வேண்டும். இந்த கல்விக்கு அரசு செலவு செய்யும் நிதியானது  இந்த நாட்டில் ஒவ்வொரு மனிதனது பங்களிப்பாகும் என சுட்டிக்காட்டிய வன்னி மாவட்ட அபிவிருத்தி குழுவின் தலைவரும், கைத்தொழில், வணிகத் துறை அமைச்சருமான றிசாத் பதியுதீன் இதன் மூலம் அடையும் பதவிகள் சகல சமூகத்துக்கும் பொதுவானதாக இருக்க வேண்டும் என்ற நியாயத்தை மாணவர்கள் மத்தியில் எடுத்துரைத்தார்.

வன்னி மாவட்டத்தில் உள்ள மன்னார், முல்லைத்தீவு, வவுனியா மாவட்டங்களில் இருந்து 2011 ஆம்,2100 ஆம் கல்வி ஆண்டுக்கு பல்கலைக்கழகத்துக்கு தெரிவு செய்யப்பட்டு கற்றலில் ஈடுபடும் 249 பல்கலைக்கழக மாணவர்களுக்கு மஹாபொல புலமைப்பரிசில் வழங்கும் நிகழ்வு ஞாயிற்றுக்கிழமை வவுனியா ஸ்ரீ சிந்தாமணி ஆலய கலாசார மண்டபத்தில் இடம் பெற்றது.

இதில் பாராளுமன்ற உறுப்பினர் ஹூனைஸ் பாருக், வடமாகாண ஆளுநரின் ஆணையாளர் ஷரீப் மொஹிதீன், அமைச்சரின் இணைப்பாளர் முத்து முஹம்மத், அரசாங்க அதிபர்கள்,க ல்வியலாளர்கள் உட்பட பலரும் கலந்து கொண்டனர்.

வவுனியா அரசாங்க அதிபர் பணிமனை இந்த நிகழ்வை ஒழுங்கு  செய்திருந்தது. அங்கு அமைச்சர் றிசாத் பதியுதீன் மேலும் பேசுகையில்,

இலங்கையில் மாறி மாறி ஆட்சிகளுக்கு வந்த அரசாங்கங்கள் தொடராக இலவசக் கல்வினையே வழங்கிவருகின்றது. வருடமொன்றுக்கு மாணவர்களின் பாடசாலை சீரூடைகளுக்கென 1250 மில்லியன் ரூபாய்களையும், பாடசாலை புத்தகங்களுக்கென 2500 மில்லியன் ரூபாய்களையும் செலவு செய்து வருகின்றது. அதே போல் கல்வி மேம்பாடுகளுக்காக உட்கட்டமைப்பு வசதிகளுக்கென பல கோடி ரூபாய்களை செலவு செய்து சிறந்த மனித நேயமிக்கவர்களை உருவாக்குவதினை இலக்காக கொண்டு செயற்படுகின்றது. ஆனால் வெளிநாடுகளை குறிப்பாக தெற்காசிய நாடுகளில் கற்கும் மாணவர்கள் பணம் கொடுத்து பாடசாலைகளினை உருவாக்குகின்றனர். அதிகமான தனியார் பல்கலைக்கழங்கள் இங்கு உருவாக்கப்பட்டுள்ளதை காணமுடிகின்றது.

ஒரு மாணவனை பொறுத்த வரையில் அவனது இலக்கு தாம் நல்லதொரு கல்விமானாக பதவிகளை பெற்று மக்களுக்கு பணியாற்ற வேண்டும் என்ற வேட்கை இருக்க வேண்டும். ஆனால் துரதிஷ்டம் நமது நாட்டு பல்கலைக்கழகங்களில் சிலர் கற்றல் செய்றபாடுகளுக்கு முன்னுரிமை அளிக்காமல், தெவையற்ற விடயங்களில் தம்மை ஈடுபடுத்தி, தமது காலங்களை வீனடிப்பதை காணுகின்றோம். வன்னி மாவட்டத்தில் இருந்து பல்கலைக்கழகத்திற்கு சென்றுள்ள நீங்கள் தூர சிந்தனையுடன், தெளிவுடன் இருக்க வேண்டும்.

கடந்த 30 வருட கால அழிவினை ஒரு முறை மீளப்பாருங்கள், நாம் இழந்தவை எத்தனை, இன்று எம்மில் இந்த கொடிய யுத்தத்தால் அவதியுறுபவர்களின் எண்ணிக்கையினை பாருங்கள், அங்கவீனவர்களாக, விதவைகாளக, தடுப்பு முகாம்களில் இருப்பவர்களாக , தமது மண்ணை துரந்தவர்களாக இருப்பதை  கவனத்திற் கொள்ள ணேவ்டும். இது ஒரு படித்த சமூகத்தின் மூலம் தான் பொதுமக்கள் மத்தியில் எடுத்து செல்ல முடியும். இந்த கோர அழிவுகளை மீள ஏற்படுத்தாமல் இருப்பதற்கான தெளிவான சிந்தனையினையும் மாணவர்காளகிய நீங்கள் உள்வாங்க வேண்டும். படிக்கும் காலங்களில் இன ரீதியான சித்தாந்தங்களுக்கு செவிசாய்க்காது, சகலரும் மனிதர்களும் இலங்கையர்கள், எமது நாட்டவர்கள் என்ற பார்வையினை உருவாக்கிக் கொள்ள வேண்டும்.

இன்று எமக்கிடையில் பிளவுகளை ஏற்படுத்தி சிந்தனை ரீதியான யுத்தத்தை தோற்றுவித்து அதன் மூலம் குறுகிய அரசியல் லாபம் கானும் சில விஷமிகள் செயற்பட ஆரம்பித்துள்ளனர். இவர்களின் திட்டங்களுக்கு பல்கலைக்கழக மாணவர்கள் இடம் கொடுக்க  கூடாது. இன்று எத்தனையோ பெற்றோர்கள் தமது பிள்ளைகளின் எதிர்காலத்தை இழந்து பரிதவிக்கின்றனர். ஒழுக்கம், கட்டுப்பாடு, கடப்பாடு என்பனவற்றை உள்ளத்தில நிறுத்தி சிறந்த தலைவர்களாக நீங்கள்  மாற வேண்டும் என்பது என அவவாகும் என்றும் அமைச்சர் றிசாத் பதியுதீன் இங்கு கூறினார்.

Click to view slideshow.

-நமது செய்தியாளர்-

மட்டக்களப்பு மாநகர மேயரின் தாயார் பிறேமா தேவி ராஜன் சத்தியமூர்த்தி (79) இன்று (28.5.2012) பிற்பகள் மரணமடைந்துள்ளார்.

சுகயீனமுற்றிருந்த இவர் இன்று மரணமடைந்ததாக மட்டக்களப்பு மாநகர மேயர் திருமதி சிவகீர்த்தா பிரபாகரன் தெரிவித்தார்.

இவர் மட்டக்களப்பு முன்னாள் வர்த்தக சங்கத்தலைவரும் மட்டக்களப்பு முக்கியஸ்த்தருமான இராஜன் சத்திய மூர்த்தியின் மனைவி என்பது குறிப்பிடத்தக்கது.

இவரின் நல்லடக்கம் நாளை நடைபெறுமென மட்டக்களப்பு மாநகர மேயர் சிவகீர்த்தா மேலும் தெரிவித்தார்.

கிழக்கு மாகாணத்தைச் சேர்ந்தவரே கிழக்கு முதலமைச்சராக வர வேண்டும் என தேசிய காங்கிரஸின் தலைவரும் உள்ளூராட்சி மற்றும் மாகாண சபைகள் அமைச்சருமான ஏ.எல்.எம்.அதாவுல்லா தெரிவித்தார்.

அத்துடன் எம்மை அறிந்தவரே எம்மை ஆள வேண்டும் எனவும் அவர் குறிப்பிட்டார். கிண்ணியா பிரதேசத்தில் அண்மையில் நடாத்தப்பட்ட கிழக்கு மாகாண அறிவியல் கண்காட்சியில் வெற்றியீட் பாடசாலை மாணவர்களுக்கான பரிசளிப்பு விழா கடந்த சனிக்கிழமை கிண்ணியா நகர சபை மைதானத்தில் இடம்பெற்றது.

இந்நிகழ்வில் அமைச்சர் அதாவுல்லா தொடர்ந்தும் உரையாற்றும் போதே மேற்கண்டவாறு குறிப்பிட்டார். அங்கு தொடர்ந்து உரையாற்றிய அவர்,

“எங்கள் கிழக்கு மாகாணத்திற்கு எங்கள் ஊரைச் சேர்ந்த ஒருவர் இல்லாமல் சியமலவாண்டுவயில் இருந்த ஒருவரை கொண்டு வந்து எங்கள் மாகாணத்தில் உள்ள பாண்டித்துவத்தை பற்றி பேச முடியுமா வாக்களிக்க சொல்ல முடியுமா என கேள்வி எழுப்பினார்.

அப்படியென்னறால் நீங்களே தீர்மானித்துக் கொள்ளுங்கள். எவராக இருந்தாலும் கிழக்கு மாகாணம் மற்றுமொருவருக்கு பறிகொடுப்பதை நாங்கள் ஒரு போதும் விரும்பமாட்டோம்.

எப்பொழுதும் அரசியலில் நிதானம் மற்றும் நியாயம் ஆகியன வேண்டும். மர்ஹூம் அமைச்சர் அஷ்ரப் 2012ஆம் ஆண்டில் இவ்வாறான தொரு கனவு கண்டார். ஆனால், அவர் ஒரு குறிகிய வட்டத்திற்குள் நின்று கிழக்கில் மாகாணத்தில் 2012ஆம் ஆண்டு ஒரு முஸ்லிம் முதலமைச்சர் பற்றி பேசினார் என்றால் எவ்வளவு வெட்கத்தனமாக இருக்கும். நாங்கள் ஒருபோதும் அப்படி சொல்லமாட்டோம. எதையும் பேசும் போது கவனமாகவே பேசுவோம்” என்றார்.

கிழக்கு மாகாண தவிசாளர் சட்டத்தரணி எச்.எம்.பாயிஸ் தலைமையில் இடம் பெற்ற இந்நிகழ்வுக்கு கிழக்கு மாகாண வீதி அபிவிருத்தி அமைச்சர் எம்.எஸ்.உதுமாலெப்பை உட்பட பலர் கலந்துகொண்டனர்.

கிழக்கு மாகாணத்தைச் சேர்ந்தவரே கிழக்கு முதலமைச்சராக வர வேண்டும் என ஸ்ரீலங்கா முஸ்லிம் காங்கிரஸின் பிரதி பொது செயலாளரும் கல்முனை பிரதி மேயருமான நிசாம் காரியப்பர் இதற்கு முன்னர் தெரிவித்திருந்தமை குறிப்பிடத்தக்கது.

Courtesy: tamil Mirror

இர்ஷாத் றஹ்மத்துல்லா

தெஹிவளை பள்ளிவாசல் விவகாரம் தொடர்பாக செய்தி சேகரிக்க சென்ற விடிவெள்ளி பத்திரிகையின் ஊடகவியலாளர்கள் பௌத்த மத பிக்குகளால் சுற்றிவளைக்கப்பட்டு அவர்களது கமரா கருவிகளுக்கு இழைக்கப்பட்ட சேதங்கள் மிகவும் வன்மையாக கண்டிக்கப்பட வேண்டியதொன்று என்று அகில இலங்கை முஸ்லிம் காங்கிரஸின் தேசிய தலைவரும், அமைச்சருமான றிசாத் பதியுதீன் தெரிவித்துள்ளார்.

இந்த நாட்டில் ஊடக சுதந்திரம் என்பது மிகவும் முக்கியமானதொன்று. மக்களுக்கு எதிராக சில இனவாதிகளால் மேற்கொள்ளப்படும் நேரடி மற்றும் மறைமுகமான அடக்கு முறைகளை வெளிக் கொண்டு வந்து அதனை மக்களின் முன் நீதிக்காக சமர்ப்பிக்கும் உண்ணத பணியினை ஊடகங்கள் செய்கின்றன.

ஊடகவியலாளர்களை பொறுத்த மட்டில் அவர்களது தியாகம், அர்ப்பணம் சமூகம் சார்ந்த சிந்தனை என்பது மிகவும் பெருமதியானது. அவர்கள் செய்யும் பணிகள் போற்றப்பட வேண்டும். விடிவெள்ளி பத்திரகை என்பது மிகவும் நேர்மையான முறையில் சகல தரப்புக்களின் செய்திகளை வெளிக் கொண்டுவருவதிலும் முஸ்லிம் சமூகத்தின் தேவைகளை சுட்டிக்காட்டுவதிலும் முன்னின்று செயற்படும் ஒரு ஊடகமாகும் .தம்புள்ள பள்ளிவாசல் விடயத்தில் முழுமையாக உண்மை நிலையினை வாசகர்களுக்கு துணிந்து வழங்கியதை நினைவுபடுத்த விரும்புகின்றேன்.

இவ்வாறான நிலையில் தெஹிவளை சம்பவம் குறித்து செய்தி சேகரிக்க சென்ற விடிவெள்ளி ஊடகவியலாளர்கள் தடுக்கப்பட்டமை, அவர்கள் அவமதிக்கப்பட்டமை தகவல் சுதந்திரத்திற்கு ஏற்பட்ட அச்சுறுத்தலாகவே கருதுகின்றேன் என்றும் அமைச்சர் றிசாத் பதியுதீன் வெளியிட்டு்ள்ள அறி்க்கையில் குறிப்பிட்டுள்ளார்.

பாராளுமன்ற உறுப்பினர் சட்டத்தரணி ஹூனைஸ் பாருக்

விடிவெள்ளி பத்திரகையின் ஊடகவியலாளர்கள் மீது மேற்கொள்ளப்பட்ட அச்சுறுத்தலை தாம் வண்மையாக கண்டடிப்பதாகவும், இந்த செயலை செய்தவர்களுக்கு எதிராக ஒட்டு மொத்த ஊடக அமைப்பும் தமது எதிர்ப்பபை வெளியிட வேண்டும் என்றும் வன்னி மாவட்ட பாராளுமன்ற உறுப்பினர் சட்டத்தரணி ஹூனைஸ் பாருக் தெரிவித்துள்ளார்.

குறிப்பாக இந்த நாட்டில் முஸ்லிம்களுக்காக பேச வலிமை கொண்ட பத்திரகைகளில் விடிவெள்ளியும் இணைந்துள்ளமை எமது மக்களுக்கு பெரும் பலமானதாகவுள்ளது. இவ்வாறு செயற்படும் பத்திரிகையின் முக்கிய செய்தியாளர்கள் அச்சுறுத்தப்பட்டதை அனுமதிக்க முடியாது. இது குறித்து எமது கட்சியின் தலைவரும், அமைச்சருமான றிசாத் பதியுதீன் ஊடக அமைச்சரின் கவனத்திற்கு கொண்டு செல்வதுடன், அந்த சம்பவத்துடன் தொடர்புபட்டவர்கள் எவராக இருந்தாலும் அதற்கு எதிராக சட்ட நடவடிக்கையெடுக்க வேண்டும் என்பதையும் வலியுறுத்தவுள்ளதாகவும் அவர் வெளியிட்டுள்ள அறிக்கையில் குறிப்பிட்டுள்ளார்

- எம்.ஏ.சீ.எம்.ஜெலீஸ் -

படித்துவிட்டு தொழில் ஒன்றினை எதிர்பார்த்திருக்கும் இளைஞர் யுவதிகளுக்கு தொழில் வழிகாட்டல் செயலமர்வு ஒன்று காத்தான்குடி பிரதேச செயலகத்தில் இடம்பெற்று வருகின்றது.

உற்பத்தி திறன் மேம்பாட்டு அமைச்சு மனித வலு வேலைவாய்ப்புத் திணைக்களத்தின் திட்டமிடல் கண்கானித்தல் பரிவினால் இடம்பெறும் இச் செயலமர்வு மனித வள அபிவிருத்தி உத்தியோகத்தர் ரீ.சுகிர்தானந்தராஜா தலைமையில்  இடம்பெற்றுவருகின்றது.

இந்த செயலமர்வில் முப்பது இளைஞர் யுவதிகள் கலந்து கொண்டுள்ளனர் எட்டு தினங்கள் இடம்பெறும் இச் செயலமர்வில் வளவாளராக இளைஞர் சேவை அதிகாரி எம்.ஐ.எம்.றம்சி விரிவுரை நிகழ்த்தினார்.

Click to view slideshow.
.

அபூ ஜுமைல்

சமாதான சூழலில் உல்லாசப்பயணத்துறையை கிழக்கு மாகாணத்தில் விருத்திசெய்யும் செயற்திட்டங்கள் முன்னெடுக்கப்பட்டு வருகின்றன. மட்டக்களப்பு விமான நிலைய விஸ்தரிப்பு பணிகள் ஆரம்பிக்கப்படவுள்ளன.1958ம் ஆண்டு நிறுவப்பட்ட மட்டக்களப்பு விமான நிலையம் முதன்முறையாக விமான ஓடுபாதைகள் நவீன முறையில் நிர்மாணிக்கப்பட்டு முழுமையாக அபிவிருத்தி செய்யப்படவுள்ளன.

இவ்அபிவிருத்தி பணிகள் குறித்து ஆராய வென சிவில் விமான சேவைகள் அமைச்சர் பிரியங்கர ஜெயசேகர நேற்று காலை மட்டக்களப்பு விமான நிலையத்திற்கு விஜயம் செய்தார். விமான நிலைய ஓடுபாதை மற்றும் விமான நிலையத்தின் முக்கிய இடங்களை பார்வையிட்ட அமைச்சர் மிக விரைவில் அபிவிருத்திப் பணிகள் ஆரம்பிக்கப்படவுள்ளதாக தெரிவித்தார்.பிரதியமைச்சர் விநாயக மூர்த்தி முரளீதரன் விமானப்படை அதிகாரிகள் விமான நிலைய முக்கியஸ்தர்களும் அமைச்சு அதிகாரிகளும் கலந்து கொண்டனர்.

-அப்துல் ரஸாக், London-

இந்த நிமிடம் கட்சிக்குள் இவர்களுக்கிடையே உள்ள புரிந்துணர்வுகள்,அபிலாஷைகள் என்ன என்பது எனக்கு சரியாகத் தெரியாது என்றாலும், கேள்வி மற்றும் ஊடகம் மூலம் நான் உள்வாங்கிக் கொண்ட விடயங்களை வைத்து கிழக்கு மாகாண சபைத் தேர்தலில் முஸ்லிம் காங்கிரசில் உள்ள அரசியல் தலைவர்களின் நிலைப்பாடு எவ்வாறு இருக்கலாம் என்பதை ஒரு கண்ணோட்டமிடலாம் என நினைக்கிறேன்.

முஸ்லிம் காங்கிரஸ் தலைவர் ரவூப் ஹகீம் நசீர் ஹாபிசை முதலைச்சர் வேட்பாளராக நிறுத்த உள்ளதாகவும் அதே நேரம் தவிசாளர் பசீர் சேகு தாவூத் அலி சாகிர் மௌலானாவை நிறுத்த நடவடிக்கை எடுத்து வருவதாகவும் தகவல்கள் தெரிவிக்கின்றன. தலைவரால் நசீர் ஹாபிஸ் மீண்டும் கட்சிக்குள் ஈர்கப்பட்டதன் பின்னணி முதலமைச்சர் வேட்பாளர் பேரம் பேசலை இலக்கு வைத்தே என்றும் கதைகள் அடிபடுகின்றன. நசீர் ஹாபிசைப் பொறுத்த வரையில் அவர் கட்சிக்குள் பிரதித் தலைவர் என்பதை விட முதலைச்சர் வேட்பாளர் என்பதை தக்க வைத்துக் கொள்வதில் கண்ணும் கருத்துமாக இருக்கின்றார் என்றே தெரிய வருகிறது. அண்மைய அவருடைய ஊடக அறிக்கை ஒன்றில் “கிழக்கின் முதலைச்சர் பதவிக்கு முஸ்லிம் காங்கிரசே உரித்துடையது என்றும் ஜனாதிபதியும் ஆளும் கட்சியின் முக்கிய உறுப்பினர்களும் இந்த நிலைப்பாட்டில் தெளிவாக இருப்பதாகவும்” என்ற அவரின் அறிக்கை பலரின் கவனத்தையும் ஈர்த்துள்ளது. கட்சியில் மீளச் சேர்ந்து மூன்றே முக்கால் நாளில் இவர் இவ்வளவு பார தூரமான அறிக்கைகளை விடுவதில் இருந்து இவர் முதலமைச்சர் மனுவுக்குக் குறி வைப்பதாக நான் நினைக்கிறேன்.

ஆனால் ஒரு புறம் பசீர் சேகுதாவூத்,அலிசாகிர் மௌலானாவை வேட்பாளராக்க பிரயத்தனம் எடுத்துக் கொண்டிருக்கின்றார் என்பதையும் என்னால் மறுதலிக்க முடியாத நிலையில் இருக்கின்றேன். ஏனெனில் அலிசாகிர் மௌலானா கிட்டத்தட்ட ஏறாவூரின் தனிக்காட்டு ராஜாவாக நெடுங்காலமாக இருந்து வருகின்றார் என்பதை கட்சி பேதங்களுக்கு அப்பால் நின்று யாருமே ஏற்றுக் கொள்வர். கிட்டத்தட்ட ஏறாவூரின் மூன்றில் இரண்டு பகுதி வாக்கு வங்கியை தன்னகத்தே இவர் கொண்டிருப்பவர் . இவர் எப்போதுமே பசீர் சேகு தாவூதின் பாராளுமன்ற பிரவேசத்துக்கு நீண்ட காலமாக ஒரு தடைக் கல்லாக இருந்து வருபவர். ஆதலால் மௌலானாவை முதலமைச்சர் என்ற அடைமொழிக்குள் முடக்கி விட்டால் ஏறாவூரின் தனிக்காட்டு ராஜாவாக மௌலானாவின் ஆசிர்வாதாத்துடன் மந்திரி சபைக்குள் தலை நிமிர்த்தி நடக்கலாம் என்ற அடிப்படையில் பசீர் சேகு தாவூத் தனது அரசியல் காய் நகர்த்தல்களை முடிக்கு விடக் கூடும் என நான் அபிப்பிராயப்படுகின்றேன்.. அதற்காக அவர் மௌலானாவுடன் முதலமைச்சர் பதவிக்கு பகரமாக( நன்றிக்கடனாக ) மட்டக்களப்பில் பாராளுமன்ற வேட்பாளராக அவர் ஒரு போதும் வரமாட்டார் என்ற ஒரு இரகசிய கனவான் ஒப்பந்தம் ஒன்றைச் செய்ய முன் வந்தாலும் ஆச்சரியப் படுவதற்கு இல்லை. இந்தப் பின்னணியில்தான் முஸ்லிம் காங்கிரசின் பனிப்போர் விரைவில் விஸ்வரூபம் எடுத்து ஆட இருக்கின்றது. என்ன நடக்கப் போகின்றது என்பதை பொறுத்து இருந்துதான் பார்க்க வேண்டும்.

இன்றைய சூழலில் எல்லா ஆடுதளங்களையும் ஆட்டிப் பார்கின்ற பொழுது பசீர் சேகு தாவூதின் காய் நகர்த்தல்களே இறுதியில் எல்லா மட்டங்களிலும் அவியும் என ஐயத்துக்கு இடமின்றி எதிர்பார்க்கப் படுகின்றது.. அரசாங்கம் அமீர் அலியை நிறுத்தவுள்ளது; ரவூப் ஹகீம் ஹாபீசை நிறுத்தவுள்ளார் ; பசீர் சேகு தாவூத் மௌலானாவை நிறுத்தவுள்ளார்.

யார் வேட்பாளர் என்ற அரசாங்கத்துடனான இந்த இழுபறியில் எதுவுமே தேறாத நிலையில் சகலரும் ஏற்றுக் கொள்ளக்கூடிய ஒரு தீர்வை நோக்கி பசீர் சேகு தாவூத் ஒரு கடும் நகர்த்தல் ஒன்றை மேற்கொள்வார். “பொது வேட்பாளராக மௌலானாவை நியமிப்போம்” என்பதுதான் அந்த இறுதி நகர்த்தலாகும்.. இதனால் ஒரு முஸ்லிம் முதலமைச்சர் என்ற மறைந்த தலைவரின் (2012 ஆம் ) ஆன்மீக வாக்கு நிறைவாகின்றது என்பது மட்டுமல்லாமல், முஸ்லிம் காங்கிரசினதும் குறிப்பாக பசீர் சேகு தாவூதினதும் பரம அரசியல் எதிரி என்று எல்லோராலும் கருதப்படுகின்ற அமீர் அலிக்கும் இன்னுமொரு அடி. ஏற்கனவே ஒரு அடி லெப்பே ஹாஜியார் மூலம் கடந்த பாராளுமன்றத் தேர்தலில் அவருக்கு வழங்கப்பட்டிருந்தது குறிப்பிடத் தக்கது. பிரதித் தலைவராக வந்த நசீர் ஹாபிசிக்கும் ஒரு அடியும் விழலாம்.. ஏறாவூருக்கு மௌலானா என்ற முதலமைச்சர் வந்தால் அதே ஊருக்கு மீண்டும் ஒரு சக்தி வாய்ந்த மாகாண அமைச்சர் பதவியை வழங்க முடியாது என்ற அடிப்படையிலும் நசீர் ஹாபிசுக்கு மீண்டும் ஒரு அடி காத்திருக்கின்றது . இவ்வாறு பசீர் சேகு தாவூதின் அரசியல் சதுரங்க காய் நகர்த்தல்கள் மிகப் பார தூரமான அரசியல் மாற்றங்களை ஏற்படுத்தக்கூடியவாறு இம்முறை இருக்கும் என்றே அரசியல் விமர்சகர்கள் கருதுகின்றனர்.

இன்னுமொரு பக்கத்தில் பார்க்கும் போது இந்தத் தேர்தலில் தமிழர் கூட்டணி எல்லா அணியையும் விட ஒரு ஆசனமாயினும் கூடுதலாகப் பெரும் என்றே பலரும் எதிர்பார்க்கின்றனர். இதனை அரசாங்கம் ஒருபோதும் விரும்பாது. மீண்டும் ஒரு பயங்கர வாதம் துளிர் விட அரசாங்கம் தன்னை மறந்தும் அனுமதிக்காது. ஆதலால் தமிழர் கூட்டணியின் ஆயுள் இம்முறை முஸ்லிம் காங்கிரசின் கையில்தான் உள்ளது என்பதை கருத்து வேறுபாடின்றியாரும் ஒத்துக்கொள்வர். இதனால் அரசாங்கம் ஒருபோதும் காங்கிரசை புறம் தள்ளமுடியாத சூழ்நிலையில் தீர்வொன்றுக்கு வர நிர்ப்பந்திக்கப்படும் என்றே பலரும் கருதுகின்றனர். இதனால் முஸ்லிம் காங்கிரஸ் பிரேரிக்கின்ற நசீர் ஹாபிசும் வேண்டாம் அரசாங்கம் பிரேரிக்கின்ற அமீர் அலியும் வேண்டாம் என்ற வாத பிரதி வாதங்களுக்கு மத்தியில் பசீர் சேகு தாவூதின் பொது வேட்பாளர் மௌலான என்ற கோஷமும் அம்பாறைக்கு அமைச்சுப் பதவியும் என்ற கோஷமும்தான் இம்முறை அவியப் போகின்றது. இவ்வாறான ஒரு அரசியல் நெருக்கடிக்கு மத்தியில் நசீர் ஹாபிஸ் எவ்வாறு காய்களை நகர்த்தப் போகின்றார் என்பதுதான் தற்போது எழுந்துள்ள மிகப் பெரும் கேள்வியாகும். ஆனால் “அந்த மௌலானாவும் அல்ல இந்த நசீர் ஹாபிஸ் இன்னும் சொல்லப் போனால் அந்த ஹிஸ்புல்லாவும் அல்ல’ இந்த நசீர் ஹாபிஸ்” . திறமை சாலி கெட்டிக்காரர் . ஒளியே புகாத சந்து பொந்துகளுக்குள் எல்லாம் புகுந்து காரியமாற்றக் கூடியவர். படித்தவர் பணக்காரர் .

எனவே இந்த முறை நடக்க இருக்கின்ற தேர்தலின் போது அரசாங்க உச்ச கட்ட பேச்சு வார்த்தைகளில் பசீர் தாவூது மற்றும் நசீர் ஹாபிஸ் ஆகியோர் எவ்வாறு தனக்கு எதிரே சுட்டி நிற்கின்ற சவால்களை எதிர் கொள்ளப் போகின்றார்கள் என்று பொறுத்து இருந்துதான் பார்க்க வேண்டும் . இது என்னுடைய கருத்தே ஏதும் தவறு இருந்தால் பெரு மனதுடன் மன்னிக்கவும்.

நேற்று  மாலை 4 மணியளவில் குறித்த கூட்டம் தெஹிவளை-கல்கிஸ்ஸை மாநகர சபையில் நடைபெற்றது. இக் கூட்டத்தில் கலந்து கொள்ள ஊடகவியலாளர்களுக்கு அனுமதி வழங்கப்படவில்லை. இந்நிலையில் கூட்டத் தீர்மானம் தொடர்பில் அறிந்து கொள்ளும் பொருட்டு வெளியில் காத்திருந்த இவ்விரு ஊடகவியலாளர்களையும் சூழ்ந்து கொண்ட பௌத்த பிக்குகள் தலைமையலான குழுவினர் அவர்களை அச்சுறுத்தியுள்ளதுடன் கமெராவை பறிமுதல் செய்து அதிலிருந்து புகைப்படங்களையும் அழித்துள்ளனர்.

இரு ஊடகவியலாளர்களையும் அங்கிருந்து செல்ல முடியாதவாறு இக் குழுவினர் சிறிது நேரம் தடுத்து வைத்துள்ளனர். இது தொடர்பில் உடனடியாக தெஹிவளை பொலிஸ் நிலையப் பொறுப்பதிகாரிக்கு தகவல் தெரிவிக்கப்பட்டதையடுத்து ஸ்தலத்துக்கு விரைந்த அவர் ஊடகவியலாளர்களையும் கமெராவையும் மீட்டு பாதுகாப்பாக அங்கிருந்து வெளியேற்றியுள்ளார்.

மாநகர சபையின் உள்ளே கூட்டம் நடைபெற்றுக் கொண்டிருந்த நிலையில் வெளியில் திரண்டு நின்ற நூற்றுக்கும் மேற்பட்டோரே இவ் ஊடகவியலாளர்களை அச்சுறுத்தியுள்ளனர்.

கடந்த வெள்ளிக்கிழமை நடைபெற்ற ஆர்ப்பாட்டத்தில் செய்தி சேகரித்த முஸ்லிம் ஊடகவியலாளர்களையும் குறித்த குழுவினர் அச்சுறுத்தியிருந்தமை குறிப்பிடத்தக்கது.

-ஏ.எச்.ஏ. ஹுஸைன்-

மட்டக்களப்பில் ஞாயிறன்று நடைபெற்ற தமிழரசுக் கட்சியின் 14வது தேசிய மாநாடு மதப்பெரியார்களின் ஆசியுரையுடன் துவங்கியது. இஸ்லாமிய மதப் பிரார்த்தனையை நிகழ்த்த காத்தான்குடி ஜாமியுழ்ழாபிரீன் பேஷ் இமாம் எச்.எம். ஷாஜஹான் பலாஹி அவர்கள் அழைக்கப்பட்டிருந்தார்.

அவர் தனது பிரார்த்தனை உரையில், ‘சிறப்பு மிக்க இவ்வாறான தொரு 14 வது தேசிய மாநாடு மாநாடு நடைபெறுவது மகிழ்ச்சிக்குரியதொன்றாகும். நாங்களெல்லாம் மனிதர்கள். ஓவ்வொரு ஜீவராசிகளும் மதிக்கப்படுவது போல் நிச்சயமாக மனிதர்களாகிய நாம் மனிதர்களுக்குள்ளேயே மதிக்கப்படத் தகுந்தவர்கள். மனிதர்கள் என்றால் அனைவருக்கும் ஒரே உணர்வுதான், தேவைகளும் ஒன்றுதான். அவர்களுடைய ஆன்ம சாந்திக்காகவும், மன நிம்மதிக்காகவும் மறு வாழ்வைச் சிறப்பாகக் கடைப்பிடிப்பதற்காகவுமே மார்க்கங்கள் மதங்கள் தேவையாக இருக்கின்றன.

எது எவ்வாறிருந்தாலும் மனிதர் என்ற வகையிலே யாரையும் வேறு படுத்திப்பார்க்க முடியாது. காரணம், உணர்வுகளும் தேவைகளும் ஒன்றாகக் கலந்த ஒரு இனமாகத்தான் நாம் இருக்கின்றோம்.

எனவே தமிழ் மக்களுக்காகப் போராடி தமிழ் மக்களுடைய விடிவுக்காக நல்ல முறையிலே வழிகாட்டிக் கொண்டிருக்கக் கூடிய இந்தத் தமிழரசுக் கட்சியினுடைய 14 வது தேசிய மாநாடு இந்த மீன்பாடும் தேன் நாடாம் மட்டுமாநகரில் நடைபெறுவதையிட்டு நான் மட்டில்லா மகிழ்ச்சியடைகின்றேன். அல்ஹம்துலில்லாஹ் !

அந்த வகையிலே இந்த மகாநாடு சகோதரத்துவத்தையும் சாந்தியையும் சமாதானத்தையும் ஜனநாயகத்தையும் நம் அனைவருக்கும் அள்ளித் தருகின்ற ஒரு தருணமாக அமைய வேண்டுமென்றும் தமிழ் மக்களுக்கும் அதே மொழியைப் பேசிக்கொண்டிருக்கக் கூடிய இஸ்லாமியர்களாகிய எங்களுக்கும் பெரும்பான்மையினருக்கும் ஒன்றுபட்ட நல்வாழ்வு இந்த மாநாட்டின் மூலம் கிடைக்க வேண்டும் என்றும் இறைவனைப் பிரார்த்திக்கின்றேன்.’ என்றார். இவரது ஆசிர் வாதத்திற்கு சபையோரின் ஏகோபித்த கரகோசம் கிடைத்தது.

இந்நிகழ்வில் தமிழ்த் தேசியக் கூட்டமைப்பின் முன்னாள் தேசியக் கூட்டமைப்பு எம்பியும் யாழ் வாசியுமான ஜனாப் இமாமும் கலந்து கொண்டிருந்தார்.

-ஏ.எச்.ஏ. ஹுஸைன்-

மட்டக்களப்பிலுள்ள ஈஸ்டர்ன் இன்ரநேசனல் கொலேஜ் இன் வருடாந்த இல்ல விளையாட்டுப்போட்டி சனிக்கிழமையன்று கல்லூரி மைதானத்தில் அதன் நிர்வாகப் பணிப்பாளர் சிரீன் தனுஜா அலிஸாஹிர் மௌலானா தலைமையில் இடம்பெற்றது.

மாணவர்கள், ஆசிரியர்கள் மற்றும் பெற்றோர் பங்கு பற்றிய பல கவர்ச்சி மிக்க விளையாட்டு நிகழ்வுகள் அங்கு இடம்பெற்றன. பெருந்திரளானோர் இந்நிகழ்வுகளைக் கண்டு கழித்தனர்.

Click to view slideshow.

- எம்.ஏ.சீ.எம்.ஜெலீஸ் -

காத்தான்குடி பள்ளிவாயல்கள் முஸ்லிம் நிறுவனங்களின் சம்மேளன தலைவராக மர்சூக் அஹமட்லெப்பை தெரிவு செய்யப்பட்டுள்ளார்.

காத்தான்குடியின் மூன்று பெரிய ஜும்ஆ பள்ளிவாயல்களின் சூழற்சி முறையிலான சம்மேளன தலைமை இவ்வருடம் முகைதீன் மெத்தைப்பள்ளிவாயலுக்கு உரித்தானதால் அதன் தலைவரான மர்சூக் அஹமட்லெவ்வையே 2012/2013 ஆண்டுகளுக்கான சம்மேளன தலைவராக தெரிவுசெய்யப்பட்டுள்ளார். சம்மேளனத்தின் தலைமைப் பொறுப்பினை மூன்றாவது முறையாகவும் மர்சூக் அஹமட்லெப்பை பெற்றிருப்பது விசேட அம்சமாகும்.

சம்மேளனத்தின் யாப்பின் பிரகாரம் சம்மேளன செயலாளர் ஜம்இய்யத்துல் உலமாவுக்குரியதால் ஜம்இயத்துல் உலமாவினால் தெரிவு செய்யப்பட்டு அனுப்பிவைக்கப்பட்டிருந்த மௌலவி ஏ.எம்.அப்துல் காதர் பலாஹி அவர்கள் சம்மேளன செயலாளராக நியமிக்கப்பட்டார்.

புதிய காத்தான்குடி நூராணியா ஜும்ஆப்பள்ளிவாயலின் தலைவர் பீ.எம்.பாயிஸ் அவர்கள் பொருளாளராகவும், பிரதித் தலைவராக சட்டத்தரணி ஏ.எல்.அப்துல் ஜவாத் பீ.ஏ அவர்களும், உதவித்தலைவர்களாக புதிய காத்தான்குடி முகைதீன் பெரிய ஜும்ஆ பள்ளிவாயலின் சார்பாக ஏ.எம்.தௌபீக் அவர்களும், புதிய காத்தான்குடி பதுரியா ஜும்ஆ பள்ளிவாயல் தலைவர் எம்.ஹனீபா, மண்முனை வடக்கு மஞ்சந்தொடுவாய் முகைதீன் ஜும்ஆ பள்ளிவாயல் சார்பாக எம்.கபீப் முகம்மட், மண்முனை பற்று சார்பாக சிகரம் ஜும்ஆ பள்ளிவாயல் தலைவர் எம்.வை. ஆதம் அவர்களும் தெரிவு செய்யப்பட்டனர்.

உதவிச் செயலாளர்களாக ஏ.எம்.சாதிக்கீன், அஷ்ஷெய்க் ரீ.எம்.எம்.அன்சார் நளீமி ஆகியோர் தெரிவு செய்யப்பட்டனர்.

இலங்கையின் காத்தான்குடியில் முதன் முதலாக அமையப்பெற்ற இந்த சம்மேளனத்தை முன்மாதிரியாகக் கொண்டு இவ்வாரான சம்மேளனங்கள் நாட்டின் பல பாகங்களிலும் பள்ளிவாயல்கள் முஸ்லிம் நிறுவனங்களின் சம்மேளனம் என்றும் பள்ளிவாயல்கள் சம்மேளனம் என்ற பெயரிலும் பல சம்மேளனங்கள் இயங்கிவருகின்றன.

காத்தான்குடி பள்ளிவாயல்கள் முஸ்லிம் நிறுவனங்களின் சம்மேளனம் 1984ஆம் ஆண்டு அஷ்ஷஹீட் அகமட்லெப்பை அவர்களினால் ஸ்தாபிக்கப்பட்டது என்பது குறிப்பிடத்தக்கதாகும்.

-நமது செய்தியாளர்-

போர்ச் சூழல் காரணமாக வடக்கு கிழக்கு மாகாணங்களில் காணிகளை இழந்த மக்களுக்கு அவர்களின் காணிகளை பெற்றுக்கொடுக்கும் சட்டத்திருத்தமொன்றை மிகவிரைவில் அமைச்சரவைக்கும் பாராளுமன்றத்திற்கும் சமர்பிக்கவுள்ளதாக நீதியமைச்சரும் ஸ்ரீ லங்கா முஸ்லிம் காங்கிரசின் தலைவருமான அமைச்சர் றஊப் ஹக்கீம் தெரிவித்தார்.

காத்தான்குடியில் நேற்று (26.5.2012) மாலை புதிய காழி நீதிமன்ற கட்டத்தை திறந்து வைத்து உரையாற்றுகையிலேயே அமைச்சர் ஹக்கீம் இங்கு மேற்கண்டவாறு குறிப்பிட்டார்.

இதன்போது தொடர்ந்து கருத்து தெரிவித்த அமைச்சர் ஹக்கீம் போருக்குப்பின்னரான சூழ் நிலையில் போர்ச் சூழலின் போது காணிகளை பலாத்காரமாக இழந்தவர்கள், காணிகளை குறைந்த விலையில் விற்பணை செய்தவர்கள் போன்றோரின் காணிகளை பெற்றுக்கொள்வதற்கு அவர்கள் மிகவும் கூடுதலான சிரமங்களை எதிர் நோக்குகின்றனர்.

இதனால் ஆட்சியுரிமை மாற்றத்தை பெற்றுக்கொள்வது தொடர்பான சட்ட திருத்த மொன்றை விரைவில் பாராளுமன்றத்திலும் அமைச்சரவையிலும் சமர்ப்பிக்கவுள்ளேன்.

கடந்த கால கால போர்ச்சூழல்கள் காரணமாக தங்களது காணிகளை விட்டு இடம் பெயர்தவர்கள், இந்த சூழ் நிலையினால் காணிகளை விட்டு பலாத்காரமாக வெளியேற்றப்பட்டவர்கள் அச்சத்தின் காரணமாக மிகக் குறைந்த விலைக்கு காணிகளை விற்பணை செய்தவர்கள்  காணி உரிமைகளை இழந்துள்ளார்கள், இடம் பெயர்ந்தவர்களின் காணிகளும் பின்னர் அடாவடித்தனமாக சிலர் கைபப்ற்றியுள்ளனர்.

பத்து வருடங்கள் காணியில் இருந்தவர்கள் சொந்தமாக்கி கொள்ளும் ஆட்சியுரிமை சட்டத்தின் மூலம் காணிகள் இவ்வாறு இழக்கப்பட்டுள்ளன. இதனை சீர் செய்யும் சட்ட திருத்தம் கொண்டுவரப்படல் வேண்டும்.

இவ்வாறு காணிகளை இழந்தவர்கள் இந்த காணி ஆட்சியுரிமை சட்ட திருத்தம் கொண்டுவரப்படுவதன் மூலம் அவர்களின் காணிகளை மீள பெற்றுக்கொள்ள முடியும். யுதத்திற்கு பின்னரான சூழ் நிலையில்  நல்லினக்கத்தை ஏற்படுத்தும் வகையில் இந்த திருத்தம் கொண்டுவரப்படவுள்ளது. இதன் மூலம் எல்லா சமூகத்திற்கும் நன்மை ஏற்படும்.

காழி நிதிமன்றங்களின் பௌதீக வழங்களை ஏற்படுத்தும் நடவடிக்கைகளில் ஒன்றாகவே காத்தான்குடியிலுள்ள இந்த காழி நீதிமன்றத்திற்கும் நிரந்தரமான நட்டிடம் அமைக்கப்பட்டுள்ளது.

இந்த வருடத்தில் மாத்திரம் 14 காழி நீதி மன்ற கட்டிடங்களை திறந்து வைக்கவுள்ள அதே நேரம் அடுத்த வருடமும் இதே போன்று 14 காழி நீதிமன்ற கட்டிடங்களை நிர்மானிக்கவுள்ளோம்.

இதற்காக எமக்கு உதவி வரும் ஜனாதிபதிக்கு நன்றி கூற கடமைப்பட்டுள்ளோம். இதே நேரம் காழி நீதி மன்றங்கள் இருக்கின்ற போதும் அவைகளுக்கு அதிகாரங்கள் ஏற்கனவே இருக்க வில்லை.

இந்த விடயம் நீண்ட காலமமாக பாராளுமன்றத்தில் பேசி வந்த நிலையில் பின்னர் கடந்த ஒரு சில வருடங்களுக்கு முன்னர் சரத் சின் சில்வா பிரதம நிதியரசராக இருந்த போது இதில் மாற்றம் கொண்டு வரப்பட்டு காழி நீதிபதகளின் அந்தஸ்த்து உயர்த்தப்பட்டது.

சரத் என் சில்வா தற்போது அரசாங்கத்தை அவ்வப்போது விமர்சிக்கும் ஒருவராக இருந்தாலும் அவர் இந்த காழி நீதிபதிகளின் அந்தஸ்த்தை உயர்த்தியமைக்காக நாம் அவருக்கும் நன்றி கூற கடமைப்பட்டுள்ளோம்.

இதற்கு முன்னர் காழி நீதிமன்றங்கள் பொது நிருவாக உள் நாட்டலுவல்கள் அமைச்சின் கீழ் இருந்தன. நீதி மன்றங்களுக்குரிய அந்தஸ்த்து இருக்கவில்லை. அது பிரதம நீதியரசர் சரத் என் சில்வாவினால் மாற்றப்பட்டதையடுத்து இப்போது நீதிமனறத்திற்குரிய அந்தஸ்த்து வழங்கப்பட்டுள்ளது.

காழி நீதிபதிகளின் தீர்ப்புக்களிடையே வித்தியாசங்கள் ஏற்படுகின்றன குறித்த பிணக்குகள் அடிக்கடி மேன் முறையீடு செய்யப்படுகின்றன. இதனால் சில புதிய திருத்தங்களை கொண்டுவர ஆலோசித்து வருகின்றோhம்.

முஸ்லிம் நீதவான்களை காழி நீதிபதிகளாகவும் நியமிக்கவும் ஆலோசனைகள் முன் வைக்கப்பட்டுள்ளன இதற்காக நீதியரசர் சலீம் மர்சூக் தலைமையில் குழு வொன்று அமைக்கப்பட்டுள்ளது.

அந்த குழுவின் அறிக்கை அடுத்த மாதமளவில்  கிடைக்கும் என நினைக்கின்றேன். அதை கொண்டு சில திருத்தங்களை செய்ய முயற்சி செய்கின்றோம். பிணக்குகளை தீர்த்து வைப்பதில் எதிர் நோக்கும் சிக்கல்கள் புதிய சிபாரிசுகள் என்பன இதில் ஆலோசிக்கப்படும்.

இது விடயமாக தற்போதய பிரதம நீதியரசரிடமும் பேசியுள்ளோம். காழி நிதிமன்றங்களின் உட்கட்டமைப்பு வசதிகளை ஏற்படுத்த நாம் நிதிகளை ஓதுக்கீடு செய்துள்ளோம்.

அந்த வகையில் இந்த காத்தான்குடி காழி நீதிமன்ற கட்டிடத்திற்கு தேவையான சுற்றுமதிலும் அமைத்து தரப்படுமென அமைச்சர் ஹக்கீம் இங்கு மேலும் தெரிவித்தார்.

-நமது செய்தியாளர்-

கிழக்கு மாகாணத்தில் ஸ்ரீலங்கா முஸ்லிம் காங்கிரசின் முதலாவது மகளிர் கிளைக்கான அலுவலகம் காத்தான்குடியில்  நேற்று (26.5.2012) மாலை ஸ்ரீலங்கா முஸ்லிம் காங்கிரசின் தலைவரும் நீதியமைச்சருமான றஊப் ஹக்கீமினால் திறந்து வைக்கப்பட்டது.

ஸ்ரீலங்கா முஸ்லிம் காங்கிரசின் கிழக்கு மாகாண மகளிர் பிரிவு அமைப்பாளரும் காத்தான்குடி நகர சபை உறுப்பினருமான சல்மா அமீர் ஹம்சா தலைமயில் நடைபெற்ற இந்த வைபவத்தில் பிரதியமைச்சரும் ஸ்ரீலங்கா முஸ்லிம் காங்கிரசின் தவிசாளருமான பசீர் சேகுதாவூத் கிழக்கு மாகாண சபை உறுப்பினர் எஸ்.எஸ்.பி.அப்துல் மஜீத் மட்டக்களப்பு மாநகர சபை உறுப்பினர் என்.கே.றம்ழான் உட்பட பலரும் கலந்து கொண்டனர்.

இதன் போது அமைச்சர் ஹக்கீம், மற்றும் பிரதியமைச்சர் பசீர் சேகுதாவூத், கிழக்கு மாகாண சபை உறுப்பினர் மஜீத் ஆகியோருக்கு பொன்னாடை போர்த்தி கௌரவம் வழங்கப்பட்டதுடன் நினைவுச்சின்னமும் வழங்கப்பட்டது.