பாராளுமன்றத்தில் சமர்ப்பிக்கப்பட்டுள்ள உள்ளுராட்சி அதிகார சபைகள் திருத்தச் சட்டம் அரசியல் யாப்புக்கு முரணானதல்ல என உயர் நீதிமன்றம் பாராளுமன்றத்துக்கு அறிவித்துள்ளது.

கடந்த வார வெள்ளத்தினால் இடைநிறுத்தப்பட்டிருந்த பாராளுமன்ற அமர்வுகள் இன்று காலை ஆரம்பிக்கப்பட்ட போது, பாராளுமன்ற செயலாளர் இத்தீர்மானம் குறித்து பாராளுமன்றத்துக்கு அறிவித்துள்ளார்.

Read the rest of this entry »

கிழக்கு மாகாண சுகாதார அமைச்சர் பதவி கிடைக்காமைக்கு முன்னாள் அமைச்சர் அமீர் அலியே காரணம் என அகில இலங்கை முஸ்லிம் காங்கிரஸின் கிழக்கு மாகாண சபை உறுப்பினர் ஜவாஹர் சாலி முன்வைத்துள்ள குற்றச்சாட்டுக்கு முஸ்லிம் சமாதான அமைப்பு கடும் கண்டனம் தெரிவித்துள்ளது.

அரசியல் அந்தஸ்தினை வழங்கிய முன்னாள் அமைச்சர் அமீர் அலி தொடர்பான இவ்வாறான விமர்சனங்கள் தொடரும் பட்சத்தில் ஜவாஹர் சாலிக்கு எதிராக பகிரங்க கண்டன நடவடிக்கைகள் முன்னெடுக்கப்படும் என்று அந்த அமைப்பு விடுத்துள்ள அறக்கையொன்றில் சுட்டிக்காட்டியுள்ளது.

அத்துடன் ஜவாஹர் சாலியின் மாகாண உறுப்பினர் பதவியினையும் மீளப் பெற்றுக்கொள்ள கட்சியினூடாக தகுந்த நடவடிக்கை மேற்கொள்ளப்படும் என்றும் குறித்த அமைப்பு அந்த அறிக்கையில் மேலும் தெரிவித்துள்ளது. (R.A)

Tamil Daily Mirror

கல்முனை மாநகர மேயராக நியமிக்கப்பட்டுள்ள மசூர் மெளலானவுக்கான நியமனக் கடிதத்தினைக் கையளிக்கும் நிகழ்வு இன்று நண்பகல் மாநகர சபை அலுவலகத்தில் இடம்பெற்றது.

இதனையடுத்து பிரதி மேயராக தெரிவு செய்யப்பட்டுள்ள ஏ.எம்.பசீர் மற்றும் கல்முனை மாநகர சபையின் புதிய உறுப்பினர் எம்.எஸ்.எம்.நிஸார் ஆகியோருக்கான நியமனக் கடிதங்களும் கையளிக்கப்பட்டன.    ஸ்ரீலங்கா முஸ்லிம் காங்கிரஸின் செயலாளர் நாயகம் ஹசன் அலியினாலேயே இந்த நியமனக் கடிதங்கள் கையளிக்கப்பட்டுள்ளன.

இந்நிகழ்வில், திகாமடுல்லை மாவட்ட நாடாளுமன்ற உறுப்பினர் எச்.எம்.எம்.ஹரிஸ், கல்முனை மாநகர ஆணையாளர் ஏ.எம்.சலீம் மற்றும் மாநகர சபை உறுப்பினர்கள் பலரும் கலந்துகொண்டனர்.  இதேவேளை, குறித்த மாநகரசபையின் மேயராக நியமிக்குமாறு ஸ்ரீலங்கா முஸ்லிம் காங்கிரஸ் தலைமைத்துவத்திடம் வேண்டியிருந்த மாநகர சபை உறுப்பினரும் சட்டத்தரணியுமான றகீப், இந்நிகழ்வில் கலந்துகொள்ளாமை குறிப்பிடத்தக்கதாகும். (R.A)

Tamil Daily Mirror

அதிபர் மற்றும் நாடாளுமன்றத் தேர்தலில் ஐக்கியத் தேசியக் கட்சியின் தோல்விக்குத் தார்மீகப் பொறுப்பேற்று, தலைவர் பொறுப்பிலிருந்து ரணில் விக்ரமசிங்க பதவி விலகவேண்டும் என்று அக்கட்சியின் கண்டி நாடாளுமன்ற உறுப்பினர் ஏ.ஆர்.எம். அப்துல் காதர் கேட்டுக் கொண்டிருக்கிறார்.

வழக்கமான மருத்துவ பரிசோதனைக்காகக் கொழும்பிலிருந்து சென்னைக்கு வந்த இவர், சென்னையிலுள்ள அபுபேலஸ் ஹோட்டலில் ஊடகவியலாளர்களைச் சந்தித்து உரையாற்றினார்.
Read the rest of this entry »

(Kattankudi.info Exclusive)

வாழைச்சேனை பொலிஸ் நிலையத்தில் கடமைபுரிந்த 110 பொலிஸ் உத்தியோகத்தர்களுக்கு ஒரேநாளில் இடமாற்ற உத்தரவுத்தரவு பிறப்பிக்கப்பட்டுள்ளதாக தெரிவிக்கப்படுகிறது. குறித்த பொலிஸ் நிலையத்தில் கடமையாற்றும் பொறுப்பதிகாரியைத் தவிர ஏனைய அனைத்து உத்தியோகத்தர்களுக்குமே இவ்வாறு இடமாற்ற உத்தரவு பிறப்பிக்கப்பட்டுள்ளது.

இறுதியாக நடைபெற்ற பொதுத் தேர்தலில் போட்டியிட்டு தோல்வியுற்ற இப் பிரதேசத்தைச் சேர்ந்த முன்னாள் அமைச்சர் ஒருவரே இந்த இடமாற்ற உத்தரவின் பின்னணியில் இருப்பதாக இடமாற்றப்பட்ட பொலிசார் தெரிவிக்கின்றனர். குறித்த அமைச்சர் தேர்தலில் வெற்றி பெறுவதற்கு பொலிசார் உறுதுணையாக இருக்கவில்லை என்பதாலேயே அவர் இந்த இடமாற்றத்தின் பின்னணியில் நின்று செயற்பட்டிருப்பதாகவும் பொலிஸார் தெரிவிக்கின்றனர்.

இலங்கை வரலாற்றில் அரசியல் பழிவாங்கல் மூலம் இவ்வாறு ஒரே தடவையில் நூற்றுக்கும் மேற்பட்ட பொலிசார் இடமாற்றம் செய்யப்பட்டது இதுவே முதற்தடவை எனவும் சுட்டிக்காட்டப்படுகிறது.

படித்த படிப்பினைகளை கொண்டு பிரச்சினைகளின் அடிப்படையை கண்டறிவதற்காக ஏழுபேர் கொண்ட தேசிய நல்லிணக்க ஆணைக்குழுவை நியமிப்பதற்கு அரசாங்கம் தீர்மானித்துள்ளது என அமைச்சரவைப் பேச்சாளரும் ஊடகத்துறை அமைச்சருமான கெஹலிய ரம்புக்வெல தெரிவித்தார்.

தீர்வினை எட்டாவிட்டால் அது நாட்டில் வாழ்கின்ற தமிழ், முஸ்லிம் மற்றும் சிங்கள மக்களுக்கு எதிர்காலத்தில் பிரச்சினையாக அமைந்து விடும் என்பதுடன் சமாதானமும் அபிவிருத்தியும் ஒரே பாதையில் முன்னெடுத்து செல்லப்படுகின்றன என்றும் அவர் சொன்னார்.
Read the rest of this entry »

ஐக்கிய தேசிய கட்சியின் அடுத்த தலைவராக மறைந்த ஜனாதிபதி ரணசிங்க பிரேமதாசவின் புதல்வரும் நாடாளுமன்ற உறுப்பினருமான சஜித் பிரேமதாச நியமிக்கப்படக் கூடும் என கட்சித் தகவல்கள் தெரிவிக்கின்றன.

அதனை மேலும் உறுதிப்படுத்துவதற்கான நிகழ்வொன்றை இன்று நடைபெற்ற ஊடகவியலாளர் மாநாட்டில் அவதானிக்கக் கூடியதாக இருந்தது.

ஐதேக நாடாளுமன்ற உறுப்பினர் தயாசிறி ஜயசேகர, இன்றைய ஊடகவியலார் மாநாட்டில் கலந்து கொண்டு உரையாற்றினார்.
Read the rest of this entry »

“ஆயிரக்கணக்கான மக்கள் நிவாரண கிராமங்களில் சுதந்திரம் இன்றித் தவித்துக்கொண்டிருக்க, மகிந்த ராஜபக்ஷ தலைமையிலான அரசாங்கம் இராணுவ வெற்றியை கோலாகலமாகக் கொண்டாடுகிறது. ஓர் இனம் அந்நியப்படுத்தப்பட்டிருக்கையில் நாட்டின் வெற்றி எனக் கொண்டாடுவது எந்த வகையில் நியாயம்?” என ஐக்கிய தேசிய கட்சி கேள்வி எழுப்பியுள்ளது.

ஐக்கிய தேசிய கட்சியின் கம்பஹா மாவட்ட நாடாளுமன்ற உறுப்பினர் ஜயலத் ஜயவர்தன வீரகேசரி இணையத்தளத்துக்கு இவ்வாறு தெரிவித்தார்.
Read the rest of this entry »

சுகந்தினி ரட்னம்

தமிழ் மக்களின் பிரச்சினைக்கு தீர்வு காணும் நோக்கில் அரசாங்கத்துடன் பேச்சுவார்த்தை நடத்த தமிழ் தேசிய கூட்டமைப்பு எப்போதும் தயாராகவே உள்ளது என்று அக்கட்சியின் யாழ். மாவட்ட நாடாளுமன்ற உறுப்பினர் சுரேஸ் பிரேமச்சந்திரன், சற்று முன்னர் தமிழ்மிரர் இணையத்தளத்துக்குத் தெரிவித்தார்.

இவ்வாறானதொரு நிலையில், அரசாங்கத்துடன் இணையும் எண்ணம் தமது கட்சிக்கு ஒருபோதும் இல்லை என்று தெரிவித்த அவர், எப்பொழுதும் தமது கட்சி தனித்தே செயற்படும் என்றும் கூறினார்.

தமிழ் தேசிய கூட்டமைப்பு அரசாங்கத்துடன் இணைந்து செயற்படப்போவதாக வெளியான செய்தி தொடர்பில் கேட்டபோதே நாடாளுமன்ற உறுப்பினர் சுரேஸ் பிரேமச்சந்திரன் மேற்கண்டவாறு கூறினார்.

கடந்த பொதுத் தேர்தலின் போது தமிழ் தேசிய கூட்டமைப்பு தனித்தே போட்டியிட்டது. இனிவரும் காலங்களிலும் அவ்வாறே செயற்படும் என்றும் சுரேஸ் பிரேமச்சந்திரன் குறிப்பிட்டார். அதேபோன்று அவசரகாலச் சட்டத்தை தமது கட்சி அப்போதும் எதிர்த்தது, இனிமேலும் எதிர்க்கும் எனவும் சுரேஸ் பிரேமச்சந்திரன் தெரிவித்தார்.

இந்நிலையில் அரசாங்கத்துடன் இணையும் எண்ணம் தமது கட்சிக்கு இல்லை. இருப்பினும் தமிழ் மக்களின் பிரச்சினைக்கு தீர்வு காணும் நோக்கில் அரசாங்கத்துடன் பேச்சுவார்த்தை நடத்த தயாராக உள்ளோம் சுரேஸ் பிரேமச்சந்திரன்  குறிப்பிட்டார்.

(Tamil Daily Mirror)

ஐக்கிய தேசியக் கட்சியின் சிரேஷ்ட உறுப்பினர்களுக்கு தனது தலைமைத்துவம் தொடர்பில் திருப்தியின்மை காணப்பட்டால்,  தலைமைத்துவ பதவியிலிருந்து விலகுவதாக ஐக்கிய தேசியக் கட்சித் தலைவர் ரணில் விக்கிரமசிங்ஹ தெரிவித்தார்.

இவ்வாறு ரணில் விக்கிரமசிங்ஹ தெரிவித்ததாக டெயிலிமிரர் இணையதளத்திற்கு ஐக்கிய தேசியக் கட்சி வட்டாரங்கள் தெரிவித்தன.

கடந்த தேர்தல்களில் ஐக்கிய தேசியக் கட்சி தொடர்ந்து தோல்வியடைந்து வருவதையிட்டு, அந்தக் கட்சிக்குள் குழப்பங்கள் ஏற்பட்டிருக்கின்றன.

இந்நிலையில், ஐக்கிய தேசியக் கட்சியின் சிரேஷ்ட உறுப்பினர்கள் சிலர் ரணில் விக்கிரமசிங்ஹ பதவி விலக வேண்டும் என வலியுறுத்தி வருவதுடன், கட்சித் தலைமைத்துவத்திற்கு புதியவர் ஒருவர் நியமிக்கப்பட வேண்டும் எனவும் தெரிவித்திருந்தனர்.

இதேவேளை, கடந்த ஏப்ரல் மாதம் 8ஆம் திகதி இடம்பெற்றிருந்த நாடாளுமன்றத் தேர்தலில் ஆளும் ஐக்கிய மக்கள் சுதந்திர முன்னணி 117 ஆசங்களைப் பெற்றிருக்கும் அதேவேளை, ஐக்கிய தேசியக் கட்சி 46 ஆசங்களை மாத்திரம் பெற்றுக்கொண்டிருந்தது.

(Tamil Daily Mirror)