ஏனிந்தப் பேரவலம்
Posted by Kattankudi Web Community (KWC) on 30/12/2011
-காத்தான்குடி அனு-
பால்வத்தை ஓடையோரம் வீடு
படுகின்றோம் நாம்பெரிய பாடு
கால்வாயில் பாய்ந்துவரும் வெள்ளம்
கரைபுரள நாசம்தான் இல்லம்
அலைமேலே எழுந்துவர அச்சம்
அலைக்கழிச்சல் தானிரவில் மிச்சம்
நிலைதன்னைப் பார்ப்பாரோ இல்லை
நீர்புகுந்து அதுபெரிய தொல்லை
தோணிக்கால் வாயில்நீர் பெருக்கம்
தேங்குவதால் நோயெம்மை உருக்கும்
ஏனிந்தப் பேரவலம் இங்கு
எம்சோகம் சொல்லுவது எங்கு
மக்கள்தம் ஆணையை வென்றீர்
மறந்தேதான் அனைத்தையும் சென்றீர்
இக்கொடுமை வேண்டாமே ஐயா
இதுநாங்கள் சொல்லுவது பொய்யா
இல்லையே சரியான திட்டம்
எடுப்பதுவோ அவரவர்க்கு மட்டும்
நல்லதொரு வடிகானே தேவை
நாம்விரும்பு கின்றோமச் சேவை
